Një shpërthim ndodhi pasditen e kësaj të enjteje në një pikë karburanti në kryeqytet. Ngjarja ndodhi rreth orës 18:46 në rrugën “Llazi Miho”. Burime zyrtare të policisë thonë se shkak u bë një bombol gazi që shërbente për furnizimin me gaz të automjeteve. Fatmirësisht nga flakët nuk ka dëmtime nga njerëz, por vetëm dëme materiale.
Menjëherë pas njoftimit të marrë për ngjarjen, forca të shumta policie dhe disa zjarrfikëse shkuan në vendngjarje. Policia mori masa duke vendosur perimetrin e sigurisë e largimin e të gjithë qytetarëve nga perimetri, si dhe bllokimin e aksit rrugor, duke i menaxhuar e drejtuar për në akse të tjera lëvizjeje.
Policia thotë se paraprakisht dyshohet se ngjarja ka qenë aksidentale, nga një defekt teknik në sistemin e gazit. Megjithatë, një grup hetimor po punon për sqarimin e plotë të rrethanave të ngjarjes. /e.s/
