Burrë e grua janë plagosur si pasojë e shpërthimit të një bombole gazi në Selenicë të Vlorës.
Sipas policisë, ngjarja ka ndodhur në orën orën 05:53 në banesën e bashkëshortëve.
“Nga shpërthimi kanë mbetur të dëmtuar pronarët e banesës, 49 vjeçari R.S dhe bashkëshortja e tij 42 vjeçare M.S. Kjo e fundit ndodhet në gjendje të rëndë shëndetësore dhe do të niset drejt Tiranës për mjekim më të specializuar”,sqaron policia.
Gruaja raportohet se ndodhet në gjendje të rëndë shëndetësore dhe pritet që të niset drejt Tiranës për mjekim më të specializuar.
Ndërkohë bëhet e ditur se nuk ka persona të tjerë të dëmtuar dhe gjithashtu banesa nuk përbën rrezik nga zjarri për banesat e tjera.
Grupi hetimorë po vijon veprimet e mëtejshme procedurale për zbardhjen e shkaqeve të shpërthimit të bombolës.
g.kosovari
