Një operacion i policisë së Pogradecit i koduar “Liqeni” ka goditur një rast të tregtimit të drogave të forta, duke vënë në pranga katër persona.
Operacioni u kurorëzua mbrëmjen e së martës, ku të dyshuarit u kapën me kokainë.
Më konkretisht u bë arrestimi i D.Xh., 20 vjeç; R.V., 23 vjeç; D.B., 20 vjeç; K.L., 20 vjeç, si edhe filloi procedimi penal në gjendje të lirë ndaj E.Z., 17 vjeç, banues në fshatin Vërdovë, Pogradec.
Nga informacione të siguruara në rrugë policore, si edhe gjatë kontrollit që shërbimet policisëë së Korçës dhe Pogradecit, ushtruan në lagjen nr.1, në mjetin tip “Audi” me drejtues shtetasin D.Xh., me të cilin të rinjtë po udhëtonin, iu gjet dhe sekuestrua në cilësinë e provës materiale 525 gram lëndë e dyshuar narkotike e llojit kokainë.
Kështu u bë arrestimi i tyre në flgarancë, ndërkohë që hetimet janë në vijim.
Të ndaluarit akuzohen për veprën penale “Prodhimi dhe shitja e narkotikëve, kryer në bashkëpunim”.
/a.r
