Shkëlzen Berisha, djali i ish-liderit të PD Sali Berisha, ka nisur prej kohësh të ndjekë rrugën e të atit, atë të akuzave. Ashtu si Berisha i madh, edhe Shkëlzeni ka komentuar rezultatin e zgjedhjeve vendore, dhe jo vetëm pasi në lupën e tij ka rënë edhe 24-vjetori i PS.
Në një postim të tij, Shkëlzen Berisha ka akuzuar kë tjetër veçse kryeministrin Edi Rama, me pretendimin se po na prish me SHBA-të dhe me BE-në.
Ai thotë se ato e bojkotuan Ramën gjatë ceremonisë së djeshme të 24-vjetorit të krijimit të PS-së, dhe kjo është prova më e madhe sipas tij që ndërkombëtarët kanë braktisur Shqipërinë.
“Bojkoti i ambasadoreve te SHBA dhe BE ne ceremonine e 74 vjetorit te PSSH (ish PKSH dhe PPSH) dergon nje sinjal te qarte se per standartet dhe vlerat perendimore procesi i zgjedhjeve nuk zbardhi te kaluaren kriminale te kandidateve te PS, perkundrazi, e kaluara e tyre e zeze, njollosi procesin zgjedhor dhe tashme po penalizon Partine Socialiste dhe bashke me te gjithe vendin e drejtuar nga kjo parti.
Dje, Rama vazhdoi ahengun me Roshet, Bushet, Ndoket dhe urdheroi mediat te censurojne bojkotin e ambasadoreve , por neser nuk do te censuroje dot as raportin e OSBE per zgjedhjet, as raportin vjetor te Departamentit te Shtetit e as progres raportin e BE ku inkriminimi i qeverisjes se tij do renditet si aresyeja nr 1 e minimit te zgjedhjeve dhe bllokimit te integrimit te Shqiperise.
70 vjet me pare etja per pushtet, i beri baballaret e PS te zgjidhnin Stalinin ne vend te perendimit, sot e njejta etje per pushtet shtyn bijte e tyre te zgjedhin krimin ne vend te integrimit”, shkruan ai.
