Viti që vjen e gjen vendin me një inspektor të ri për kontrollin e pasurive të politikanëve dhe zyrtarëve të lartë.
Kreut aktul të ILDKP-së, Shkëlqim Ganaj, i mbaron mandati, ndërsa ai nuk ka rikandiduar në garën e shpallur nga Parlamenti.
Ganaj në përfundim të mandatit 7 vjeçar hoqi dorë për një tjetër mandat, por do të jetë në garë një prej vartëseve të tij, Evgjeni Bashari, e cila aktualisht është Sekretare e Përgjithshme e Inspektoratit.
Në garë, janë dhe emra të njohur, si Eridjan Salianji, ish zv/ministër drejtësie në qeverinë socialiste, dhe përfaqësuesi zyrtar i PS-së në KQZ.
Postin e kontrolluesit të pasurisë së zyrtarëve e synon edhe Lefterie Lleshaj, ish kryetare e KQZ-së, aktualisht drejtoreshë në Kuvend. Pjesë e garës janë edhe Evis Fico, Helena Papa dhe Dhimitrulla Spiro.
Për kreun e ri të ILDKP-së Kuvendi zhvillon dy votime. I pari synon një konsensus me opozitën dhe kërkon 84 vota, ndërsa votimi i dytë nëse nuk arrihet konsensusi kërkon vetëm 71 vota.
/a.r
