Policia spanjolle ka arrestuar 6 anëtarë të një bande skifterësh të dyshuar për të paktën 17 grabitje në Katalonia, ku 5 prej tyre janë shqiptarë. Grupi i hajdutëve kishte një “rreze të gjerë veprimi” dhe nuk mjaftohej vetëm me Spanjën, por kishte kryer bastisje edhe në pjesë të tjera të Europës Qendrore.
Të arrestuarit me shtetësi shqiptare, varionin nga mosha 22 deri në 34 vjeç, ndërsa i arrestuari i gjashtë ishte gjerman.
Grabitësit vidhnin banesa natën dhe objekte të preferuara kishin bizhuteritë, celularët, orët dhe çantat. Metoda e punës konsistonte në shqyerjen e dyerve apo dritareve të banesave.
Grupi ishte i “vjetër” pasi punët e tyre të para datojnë që në vitin 2014
Policia e Katalanjas ka bërë me dije për mediat vendase se grabitjet janë kryer në të paktën 8 qytete, por nuk përjashtohet pjesëmarrja në krime të tjera të ngjashme. Ata janë dërguar në burg me urdhër të gjykatës./java/a.k
