Një 39-vjeçar, i dënuar dy herë për shfrytëzim prostitucioni, është vënë në pranga nga Policia e Tiranës, pasi dyshohet se ka rrahur një vajzë me qëllimin për ta përdhunuar. Ngjarja dyshohet se ka ndodhur në butikun që ai kishte në pronësi te Rruga e Elbasanit, në Tiranë, ku vajzën që tentoi ta përdhunonte e kishte të punësuar si shitëse.
Policia e Tiranës njoftoi dje zyrtarisht se shërbimet e Komisariatit nr.1 arrestuan shtetasin Besim Lami, i dënuar më parë për shfrytëzim prostitucioni. Burime nga grupi hetimor thanë se ka qenë vetë shitësja me inicialet K.Z., 30 vjeçe, që ka denoncuar në polici rastin, duke thënë se pronari, Besim Lami, i kishte kërkuar marrëdhënie seksuale dhe pasi ajo nuk kishte pranuar, kishte tentuar ta përdhunonte.Ngjarja ka ndodhur mbrëmjen e së dielës, rreth orës 21:30, te butiku ku punonte vajza në pronësi të të dyshuarit. Menjëherë pas kallëzimit shërbimet e Komisariatit nr.1 kanë arrestuar të dyshuarin, i cili nga ana e tij i ka mohuar pretendimet e shitëses. Besim Lami rezulton person me precedentë të mëparshëm penalë, i dënuar dy herë për shfrytëzim prostitucioni.
Njoftimi i policisë
Policia e Tiranës njofton se ka arrestuar shtetasin shtetasi Besim Lami, 39 vjeç, banues në Tiranë, i dënuar më parë për shfrytezim prostitucioni. “Ky shtetas më datë 22.01.2017, rreth orës 21:30, në rrugën e Elbasanit, dyshohet se ka dhunuar fizikisht për të kryer mardhënie seksuale pa dëshirën e saj, me shtetesen K. Z., banuese në Tiranë”- njofton policia.
ma.me
