140 luftëtarë shqiptarë janë rreshtuar në radhët e IS, ku pjesa dërrmuese e tyre vijnë nga shtresat e margjinalizuara. Kështu ka thënë kreu i Shërbimit Informativ Shtetëror në Shqipëri (SHISH), Visho Ajazi. Shefi i SHISH konsideron se vëmendja duhet të fokusohet në institucionet arsimore, pasi sipas tij, këto janë institucionet që gjurmohen shpesh nga ekstremistët, transmeton kp.
“Numri i atyre të cilën kyçen në këto rrjete është në rritje. Mbase njerëzit duan më shumë vëmendje nga shteti, shkolla, shoqëria, komuniteti fetar, pasi janë me probleme financiare, edukimi dhe duhen adresuar. Eshtë një karakteristikë jo fort e përhapur në vende të tjera, që këtu veprojnë si sekte të mbyllura e që përdorin ambiente ilegale për të zhvillluar aktivitetet e tyre. Në shumicën dërrmuese të rasteve që ne kemi parë, të njerëzve që janë radikalizuar nuk kanë patur mbështetjen e familjeve të tyre dhe rrethit të ngushtë shoqëror”, – tha Visho Ajazi Lika.
Kryeqytetet shqiptare si Tirana, Shkupi, Prishtina si dhe një sërë vendesh të tjera, sipas studimit të Institutit Kanadez të Teknologjisë, mbeten vendet më të ndjeshme ndaj rekrutimeve të ISIS. “Frekuentimi më i madh e shohim në Tiranë e Shkodër për Shqipërinë; Tetova, Gostivari, Shkupi në Maqedoni, në Kosovë shohim Gjilanin, Ferizajn, Prishtinën” , thotë Fabian Zhilla.
