Kur kanë mbetur pak orë para zhvillimit të protestës së opozitës së bashkuar, Partia Demokratike prania e qytetareve pritet te jete madhështore në protestë.
Burime nga Partia Demokratike bëjnë të ditur se kanë mbërritur ose janë rrugës për në Tiranë rreth 70 mijë qytetarë në total.
Ata do të marrin pjesë në protestën përpara kryeministrisë, e cila do të zhvillohet në orën 19:00.
“Parashikimet për pjesëmarrjen në protestë janë disi më të larta se ajo e protestes se fundit, ku llogariteshin rreth 62 mijë protestues nga rrethet, pa llogaritur qytetarët e qarkut të Tiranës, të cilët, sipas strukturave organizative të Partisë Demokratike, janë zemra e protestës. Njësoj si që nga 16 Shkurti, kërkesa kyçe e protestave të opozitës është largimi i kryeministrit Rama dhe hapja e rrugës për një qeveri tranzitore që do të garantojë zgjedhje të lira e të ndershme”, thotë PD.
“Pjesëmarrje shumë më e lartë pritet nga 4 qarqet e veriut”, shprehet PD më tej.
“Sipas përllogaritjeve të përafërta, nga Shkodra, Lezha, Dibra dhe Kukësi pritet të vijnë për të protestuar në Tiranë rreth 26 mijë protestues. Nga Kukësi raportohen 4500 protestues që janë nisur me autobusë dhe mjete private, nga Shkodra raportohen 9900 protestues, nga Dibra 3900 protestues kurse nga Lezha 7700. Në shifrat e raportimeve nuk përfshihen protestues të cilët udhëtojnë në mënyrë private”, thuhet nga burime të PD-së.
Ambasada gjermane në Tiranë, ajo britanike si dhe delegacioni i Bashkimit Europian, kanë bërë thirrje për tubim paqësor, si dhe kanë bërë thirrje për palët politike që të ulen për dialog.
/a.rada
