Konflikt mes disa vajzave në afërsi të një lokali në bulevardin “Republika”. Sipas informacioneve paraprake, mësohet se sherri ka degraduar deri në përdorimin e shisheve të qelqit.
E dëmtuar ka mbetur shtetasja P.M., e njohur si njëra nga vajzat që denigronte minorenet duke publikuar materiale intime në faqe Instagrami.
Ka qenë e menjëhershme ndërhyrja e policisë, teksa e dëmtuara u dërgua në spitalin e Korçës për mjekim. Vajzat e tjera u shoqëruan në komisariat për veprime të mëtejshme. Nuk dihen ende rrethanat por dyshohet që shkak të jetë bërë pikërisht faqja e Instagramit që e dëmtuara P.M administronte bashkë me një shtetase tjetër dhe që denigronin vajzat dhe djemtë minorenë në juglindje.
Burime nga komisariati bëjnë me dije se deri në këto momente janë shoqëruar 2 vajza dhe 1 djalë, ndërsa pritet që pas mjekimit në spital të shoqërohet edhe e dëmtuara, ku do t’i merren deklarimet lidhur me ngjarjen.
