Gazetarët, Romir Saraçi dhe Arbër Hitaj kanë debatuar në emisionin “3D” të Alban Dudushit në RTSH1, përsa i përket reformës në drejtësi dhe akuzave kundrejt SPAK të bërë sot nga Sali Berisha.
Gazetari Hitaj mbrojti mendimin që akuzat e Berishës ndaj SPAK kanë funksionuar dhe ky institucion është intimiduar ndaj ish-kryeministrit sepse ende nuk ka një akuzë kundrejt tij.
Ndërsa gazetari Saraçi theksoi se kjo drejtësi është ngritur në mënyrën të njëanshme dhe duhet të ribëhet.
Sipas tij, SPAK i druhet vetëm “Komisionit Xhafa” sepse është komision që ndërhynë në punë e këtij institucioni në mënyrën të drejtpërdrejtë.
Debati
Hitaj: Berisha po sulmon SPAK për ta intimiduar. Në momentin që ne flasim nuk ka asnjë akuzë zyrtare kundrejt tij. Ai sot është në arrest sepse nuk respektoi vendimin e gjykatës. Për mua strategjia e Berishës ka funksionuar.
Saraçi: Sot Berisha është nën akuzë. Është i pandehur nga GJKKO-ja!
Hitaj : Gjuha e Berishës është kërcënuese dhe ndaj them që ja ka dal duke sulmuar institucionet e drejtësisë.
Saraçi : Arbëri ju jeni i arsimuar dhe e dini si funksionon një seli diplomatike. Mos prit ti që ambasadat, ambasadorët apo trupat diplomatike apo ONM-ja, dhe tjerat me radhë mos të mbrojnë paratë e investuara ndër vite. Ndaj nuk do thonë asnjëherë fjalë të këqija për reformën në drejtësi. Nëse Berisha po vuan pasojat e një drejtësie të kapur nuk është fatale se e sulmoi. SPAK i druhet vetëm “Komisionit Xhafa” sepse ai është një komision që prek në mënyrën të drejtpërdrejtë punën e tij. Kjo drejtësi është ndërtuar gabim dhe është ndërtuar në mënyrën të njëanshme. Dikur kështu u tha dhe për juristët e “Plepave” ndërsa tani jemi në kohën e “Patronazhistëve”.
Hitaj: Gjuha e përdorur kundër drejtësisë është më e rëndë se sa ajo që përdori Trump gjatë fushatës së tij. Unë nuk e quaj drejtësi të kapur sepse SPAK ka goditur shumë personazhe të njohur të mazhorancës. Ndërsa akuzat tuaja për ‘Komisionin Xhafa’ janë të padrejta sepse shtyllat kryesore të drejtësisë nuk i prek dhe duhen 94 vota.
/a.r
