Nderhyrja ne kohe e policise ka parandaluar nje ngjarje te rende brenda nje familjeje ne Bathore.
Policia e Tiranes ka vene ne pranga burrin 60-vjecar me inicialet R. S. qe pas nje sherri te ashper me bashkeshorten, kishte rrembyer automatikun dhe do te kryente krimin.
Sipas policise, marrja në kohë e informacionit, si dhe ndërhyrja me profesionalizëm e forcave të Policisë të Komisariatit Nr. 5, parandaloi përshkallëzimin e një konflikti mes një çifti bashkëshortësh.
Blutë e kryeqytetit i kanë bllokuar në cilësinë e provës materiale një armë zjarri automatik me qytë druri, 2 karikatorë dhe 96 fishekë, të cilat u gjetën gjatë kontrollit në banesë në Bathore.
Materialet procedurale iu referuan Prokurorisë së Rrethit Gjyqësor Tiranë, për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Dhuna në familje” në ngarkim të shtetasit R. S.
