Një grup grekësh dhe shqiptarësh kanë plagosur rëndë një student egjiptian dhe babain e tij. Protothema.gr shkruan se një grup studentësh grekë dhe shqiptarë që pozojnë në rrjetet sociale si anëtarë të një bande, hedhin foto me armë, drogë dhe skena dhune brutale, akuzohen se kanë plagosur rëndë një student egjiptian dhe babain e tij, madje i kanë thyer dhëmbët 17-vjeçarit me levë.
Ngjarja brutale ka ndodhur më 1 tetor në rrugën kryesore të Kaminias dhe siç ka deklaruar i mituri në dëshminë e tij, ka marrë dëme të mëdha.
“Kam lëndime në kokë, fytyrë, nofull, dy dhëmbë të thyer dhe kam të mavijosura në kofshën e majtë nga shufra e hekurit dhe shenja nga goditjet,”- thotë djali.
Por, shqiptari pretendon se e kanë dhunuar pasi egjiptianët i kanë vjedhur çantën me dy celularë që ua ka dhënë disa personave të tjerë, të cilët janë larguar që aty.
Në orën 20:30 të datës 1 tetor, punonjësit e policisë së ekipit të DI.AS, pas sinjalizimit të Qendrës së Veprimit të Menjëhershëm, kanë shkuar në rrugën Agios Eleftheriou drejt Pireut. Pas pak, policët që kanë shkuar në vendngjarje ku janë konstatuar disa persona, të cilët në momentin që kanë parë policët, janë larguar me vrap në drejtime të ndryshme.
Është ndaluar një 18-vjeçar, një 19-vjeçar, një 20-vjeçar. 46-vjeçari egjiptian dhe 17-vjeçari egjiptian, janë shoqëruar nga efektivët e policisë në Spitalin Janeio në Pire, ku iu dha ndihma e parë dhe më pas u liruan. 20-vjeçari nga Shqipëria ka dëshmuar se 46-vjeçari egjiptian në momentin e përleshjes i ka marrë një çantë në të cilën ndodheshin dy celularë dhe më pas ua ka dorëzuar disa personave të panjohur të cilët janë arratisur.
