Hawaii është shteti i parë amerikan i cili ka ngritur padi kundër ligjit të rishikuar të Donald Trump mbi ndalimin e udhëtimit të vendeve me shumicë myslimane, shkruan BBC.
Prokurori i Përgjithshëm i Hawait tha se versioni i ri në thelb është i njëjtë si i pari duke e quajtur atë “Ndalim ndaj myslimanëve”. Udhëzimi i cili hyn në fuqi me 16 mars, vendos edhe një ndalim 90-ditor për njerëzit nga gjashtë vende, ndërsa për refugjatët një ndalim 120-ditor.
“Në thelb asgjë nuk ka ndryshuar, përsëri e njëjta mbulojë është vendosur në hyrje për vendet me shumicë myslimane”, tha Doug Chin, Prokuror i Përgjithshëm.
Hawaii është shteti i pari që ka paraqitur padi kundër ligjit, duke e argumentuar se kjo dëmtonte banorët, bizneset dhe shkolla. Një seancë është caktuar për 15 mars, një ditë para se ligji i ri të hyjë në fuqi. /b.d
