Gjykata e Posaçme, SPAK, në kuadër të hetimeve për çështjen e shembjes së godinës së vjetër të Teatrit Kombëtar, ka marrë sot në pyetje Drejtorin e këtij institucioni, Hervin Çuli.
Ky i fundit është fiksuar teksa ka dalë nga ambientet e SPAK me një çantë të zezë në dorë, ndërsa është duke folur në celular.
Kujtojmë se, Prokuroria e Posaçme kundër Korrupsionit dhe Krimit të Organizuar është duke kryer hetime për shpërdorim detyre gjatë procesit të miratimit të vendimit dhe ekzekutimit të tij duke e finalizuar me prishjen e godinës së Teatrit Kombëtar mëngjesin e 17 majit 2020.
Hetimi nisi pas kallëzimit të Aleancës për Mbrojtjen e Teatrit të bërë më 31 dhjetor 2019 dhe 23 janar 2020. Kallëzimi i bërë nga Partia Demokratike në lidhje me këtë çështje i është bashkuar këtij procedimi penal.
