Sekretari i Përgjithshëm i NATO-s Mark Rutte u takua me Presidentin e zgjedhur të SHBA-së Donald Trump në Palm Beach, Florida, të premten, ka zbuluar një zëdhënës i aleancës ushtarake transatlantike.
“Ata diskutuan një sërë çështjesh të sigurisë globale me të cilat përballet Aleanca,” tha në një deklaratë të shkurtër zëdhënësi Farah Dakhlallah.
Në faqen e saj të internetit, NATO tha se Rutte dhe ekipi i tij u takuan gjithashtu me kongresmenin Mike Waltz, i zgjedhuri i Trump për të qenë këshilltari i tij për sigurinë kombëtare kur të kthehet në Shtëpinë e Bardhë, dhe anëtarë të tjerë të ekipit të sigurisë kombëtare të presidentit të zgjedhur.
Të premten, NATO nuk iu përgjigj kërkesave për koment mbi raportimet e mediave holandeze se Rutte, ish-kryeministër i Holandës, kishte udhëtuar në Florida me një aeroplan të qeverisë holandeze për të takuar Trump.
Rutte, i cili mori detyrën si shefi i NATO-s muajin e kaluar, u konsiderua gjerësisht si një nga udhëheqësit më të mirë evropianë në krijimin e një marrëdhënieje të mirë pune me Trump gjatë mandatit të tij të parë, 2017-2021 si president i SHBA.
/a.r
