Shefi i EULEX-it i ka dërguar një letër të premten stafit të tij që punon në Kosovë. Mes tjerash, ka folur për raportimet e fundit lidhur me kërkesën për heqjen e imunitetit të ish-prokurores se EULEX-it, Maria Bamieh, për t’i hapur rrugë ndjekjes penale, shkruan Koha Ditore.
“Kjo ka qenë një javë ku ne edhe një herë e kemi parë EULEX-in dhe anëtarët e misionit të sulmuar në shtyp për gjëra në të cilat nuk kanë pasur fare përfshirje. Për sa kohë ne të jemi në Kosovë, EULEX-i do vazhdojë të mbetet shënjestër e akuzimeve dhe spekulimeve – kjo thjeshtë është rezultat i prezencës sonë dhe funksionit tonë”, ka thënë Meucci në këtë letër.
