Shefi i CIA-s këshilloi Donald Trump që të disiplinohet në emër të sigurisë së SHBA-së, ndërkohë që presidenti i ardhshëm vlerëson nga ana e tij se media dhe shërbimet sekrete duhet t’i kërkojnë falje.
“Nuk besoj se ai posedon një kuptim të plotë të aftësive, të qëllimeve dhe të veprimeve të Rusisë”, deklaroi për kanalin “Fox News” shefi në ikje i CIA-s, John Brennan, transmeton atsh, duke i bërë thirrje fituesit të presidencialeve amerikane të jetë shumë rigoroz kur shprehet publikisht.
“Trump duhet të kuptojë se sfidat tejkalojnë personin e tij, bëhet fjalë për SHBA-në dhe sigurinë kombëtare. Ai do ta ketë rastin që të veprojë, që është ndryshe me të folurin në Tëitter”, shtoi ai, përgatiti Express. (b.an)
