Kryeministri Edi Rama ka reaguar për herë të parë për kursimet cash të deputetit të Partisë Socialiste Alfred Peza në vlerën 1 milionë dollarë dhe blerjen e aksioneve në një bankë të nivelit të dytë në Shqipëri.
Përgjigjja e kryeministrit është dhënë pasi komentues në rrjetin social Facebook e kanë kritikuar qeverinë se po i “pinë gjakun popullit duke pasuruar ministrat e deputetët”.
“Po të dëgjosh SHQUP-in kështu është, miliarda nga të katër anët. Po fakti është se të ardhurat e Alfred Pezës nuk janë shtuar aspak qëkur ka hyrë në politikë dhe këtë e tregon qartë deklarata e pasurisë. Po me kë të flasësh, me këngëtarët apo me spektatorët e SHQUP-it?!”, shkruan Rama.
Vetë deputeti Peza ka reaguar edhe më herët duke thënë se kur ushtronte profesionin e gazetarit ka punuar gjithmonë me rroga të larta, ashtu sikundër edhe bashkëshortja e tij prej vitesh, kanë kursyer 1 milionë dollarë.
b.d
