Kryetari i grupit të deputetëve demokratë Edi Paloka ka mbajtur një fjalim në nisje të sesionit të ri parlamentar ku ai theksoi edhe njëherë qëndrimin e opozitës për reformën zgjedhore duke sanksionuar votimin elektronik. Ai deklaroi se zgjedhjet e lira është çështja më thelbësore. Mospërmbushja e kushteve të opozitës sipas tij të materializuara edhe në një memorandum të nënshkruar nga 20 parti parlamentare dhe jo-parlamentare, tregojnë se zgjedhjet e ardhshme janë në rrezik.
“Siç parashtrova në konferencën e kryetarëve, çështja parësore është ajo e zgjedhjeve të lira e të ndershme. Nuk mund të ketë çështje më thelbësore se garantimi i votës së lirë dhe rikhtimi i besimit të qytetarët se vota e pacënuar do të vendosë për të ardhmen e tyre. Kjo nuk është vetëm çështje e opozitës. Shqiptarëve duhet tu rikthehet besimi se vota e tyre do të numërohet drejtë. Pikërisht për këtë qëllim merr vlera historike. Mbi 20 parti kanë nënshkruar sot një memorandum”, deklaroi Paloka.
Ruçi: Kushti juaj alibi, pse nuk u kujtuat 3 vite e gjysmë?
I menjëhershëm ishte edhe reagimi i kryetarit të grupit të deputetëve socialistë Gramoz Ruçi. Ai tha se kërkesa e PD-së është vetëm një alibi, pasi ata nuk u kujtuan për 3 vite e gjysmë për këto ndryshime në Kodin Zgjedhor. Sipas Ruçit, këto ndyshime nuk mund të kryhen më vonë se 6 muaj para zgjedhjeve.
“Zotëri, ku keni qenë këto 3 vite e gjysmë, piëkrisht për këtë çështja kaq madhore sa e quani juve. Unë edhe njëherë tjetër u kam drejtuar pyetjen dhe ju u kujtuan vetëm tashmë që e mbyllëm dhe u kujtuan sesionin e fundit. Ju e dini shumë mirë se ndryshimet thelbësore në kod bëhen 6 muaj para zgjedhjeve. Pa me pak fjalë juve nuk keni dashur. Nuk keni pasur vullnetin politik por këtë e kërkoni si alibi sot”, tha Ruçi.
Ruçi thumboi opozitën duke thënë se nuk e di se çfarë kërkon në një kohë kur Kolegji Zgjedhor dhe firma e prodhimit të kartave të identiteti janë zgjedhur prej saj, madje edhe Kodi është hartuar prej saj.
“E fundit çfarë është? Kolegji Zgjedhor! I keni bërë gjykatat e apelit siç deshët. E nxorët Kolegjin Zgjedhor si e deshët. Edhe te Gjin Gjoni nuk keni besim juve? Po me Gjini ç’keni xhanëm? Do ta humbisni edhe si votues”, u shpreh Ruçi.
/a.m.
