Një ngjarje tragjike ka ndodhur në SHBA ku një student shqiptar është ekzekutuar me armë zjarri, Gjithçka ka ndodhur teksa i riu 21-vjeçar po debatonte me të dashurën e tij. Në ato momente ëhstë afruar dikush dhe e ka qëlluar me 3 plumba.
Ngjarja e rëndë ka ndodhur në Filadelfia ndërsa viktima është shtetasi Merols Mukaj. Ngjarja ka ndodhur në afërsi të universitetit të Drexelit në bllokun 3500 të Lancaster, ku ai po debatonte me të dashurën.
Në debat e sipër, ndërhyri një person i identifikuar si Joseph Howanski i cili e qëlloi studentin shqiptar me 3 plumba.
*Në foto autori i vrasjes
Një dëshmitar tha pas ngjarjes se e dashura e tij e shokuar qante mbi trupin e tij pas ngjarjes.
“I riu po debatonte keq me të dashurën e tij të cilën e dëgjova t’i thoshte ‘je budalla, ata i kisha miq’, dukej si një zënkë xhelozie,” tha një prej dëshmitarëve.
“Më pas në vendngjarje erdhi agresori i cili i pa duke debatuar dhe nxorri pistoletën duke e qëlluar tri herë. Në atë moment e dashura e 21-vjeçarit, e shokuar vetëm bërtiste dhe nuk linte asnjë ta prekte,” tha ai./a.m.
