-26 qendra shëndetësore do të jenë në dispozicion të pushuesve dhe turistëve, duke filluar nga 15 qershori deri më 15 shtator 2016, ku do të ofrohet shërbim 24 orë, në të gjitha zonat turistike në Shqipëri.
Këto qendra shëndetësore do të ofrojnë shërbim të pandërprerë gjatë sezonit veror, duke filluar nga barnat, materialet mjekësore, personel mjekësor që do të kontraktohen për këtë periudhë në qendrat shëndetësore që ndodhen pranë lokaliteteve turistike.
Të 26 qendrat e përkohshme shëndetësore do të shtrihen në të gjithë vendin, kryesisht në zonat bregdetare, por sidomos tek ato më të vizituarat nga turistë të huaj dhe shqiptarë.Turistët do të mund të marin shërbim përgjatë shtatë ditëve të javës, ku këto qendra do të qëndrojnë hapur 24 orë.
Me ngritjen e tyre, pacientët për çdolloj shqetësimi do të kenë mundësinë që të drejtohen në qendrën më të afërt me zonën në të cilën ata kanë zgjedhur të pushojnë. Në raport me vitin 2015, për këtë sezon turistik janë shtuar edhe 3 qendra të tjera shëndetësore, përkatësisht në zonën e Kelmendit (Tamarë), në Kalanë e Dodës si dhe zonën e Prespës, duke mundësuar kështu një mbulim më të plotë shëndetësor në të gjithë zonat që frekuentohen nga turistët.
Fondi i Sigurimit të Detyrueshëm Shëndetësor, përmes një komunikate zyrtare, ka bër% me dije marrjen e të gjitha masave për akordimin e buxhetit të nevojshëm për barna e materiale mjekimi, pagesën e personelit të punësuar me kohë të pjesshme si dhe për rastet kur do të jetë e nevojshme marrja me qira e ambienteve për vendosjen e qendrave shëndetësore.
