Anashkalimi i kryeministrit nga kreu i SHISH ka ndezur sot debatet në Komisionin e Sigurisë.
Duke raportuar për atë ç’ka dinte rreth aparatit IMSI-Catcher, Visho Ajazi tha se jo çdo informacion që merr, e ndan me kryeministrin.
“Po të më therriste Rama, do ta informoja” – tha kreu i SHISH, i cili theksoi se ka për detyrë që të informojë vetëm Prokurorin e Përgjithshëm.
Por, Ligji Nr. 8391, dt 20/10/1998, neni 5, paragrafi 3 e detyron Visho Ajazi Likën që të raportojë pikërisht te Prisidenti dhe Kryeministri.
Shprehimisht, Ligji për Shërbimin Informativ Shtetëror thotë se “Drejtori i SHISH është i detyruar të raportojë dhe të informojë Presidentin dhe Kryeministrin për probleme që lidhen me Sigurinë Kombëtare”.
Në raportimin e tij të sotëm në Komision, Ajazi është përpjekur ta justifikojë shmangien e Ramës nga çështja e ‘përgjuesit’ pasi sipas tij kryeministri informohet vetëm kur informacioni është i konfirmuar.
(javanews.al / r.a)
