Një serë rreth 520 fidanë narkotikë kanabisi, të gatshëm për t’u mbjellë është zbuluar këtë të premte në Krujë. Policia njofton se gjatë kontrolleve për evidentimin e kultivimit të lëndëve narkotike, në fshatin Brret të Krujës është gjetur sasia e lëndës naroktike në fazë fillestare.
“Skuadrat policore, të ngritura në kuadër të këtij plani operacional, zbuluan në një territor të fshatit Brret, Krujë, një serë të improvizuar, brenda së cilës u gjetën rreth 520 fidanë të dyshuar narkotikë kanabisi, të gatshëm për t’u mbjellë në tokë, me qëllim kultivimin e tyre”, thuhet në njoftim.
Fidanët e dyshuar narkotikë u asgjësuan me anë të djegies.
Ndërkohë policia po punon për identifikimin dhe arrestimin e personave përgjegjës për mbjelljen e lëndës narkotike.
/a.r
