Serbet i kap nostalgjia per mareshallin Tito. Dhe, vec kujtimeve po botohen dhe shume hamendesi, por as 36 vjet pas vdekjes së kryetarit të përjetshëm të RFSJ-së, Josip Broz Titos, duket se ende nuk janë publikuar të gjitha detajet për ditët e tij të fundit.
Dëshmia e fundit për këtë është libri i dr. Мilomir Stankoviq “Tito- ndërmjet jetës” që sapo ka dalë nga shtypi në Beograd, raporton gazeta serbe “Politika”, transmeton Koha.net.
Dr. Stankoviq ka qenë njëri nga mjekët personalë të Titos me specializimin kardiolog urgjence. Në librin e tij ai për herë të parë ka publikuar pohimin e guximshëm se Tito mund të jetonte edhe disa vjet sikur t’i kishin prere kemben e majtë.
Ndoshta do ta arrinte moshën 90 vjeçe, aq se vetë mendonte se do të jetonte.
Autori i librit thotë se Tito mjekëve në Qendrën klinike në Lubjanë u kishte thënë :” Pse po mundoheni aq shumë, pasi mua edhe ashtu më kanë mbetur vetëm edhe dy vjet”.
Josip Broz Tito vdiq në moshën 88 vjeç, më 4 maj 1980. (b.an)
