Kryeministri Edi Rama shkruan se nuk ka asnjë dyshim se “Shqipëria ka hedhur hapa të rëndësishëm në drejtimin e duhur duke ndërmarrë reforma të thella për të dalë nga një prapambetje e madhe”. Rama bën të ditur se, në krahasim me vitin 2013, në librin e llogarive të shtetit janë shtuar 174 mijë punonjës të siguruar.
“Punësimi real është sfida e jashtëzakonshme e çdo qeverie sot në Europë dhe në rajonin tonë kjo është një sfidë edhe më e vështirë. Por s’ka asnjë dyshim se Shqipëria ka hedhur hapa të rëndësishëm në drejtimin e duhur duke ndërmarrë reforma të thella për të dalë nga një prapambetje e madhe. Reformat duan durim dhe kohën e tyre për të dhënë të gjitha frutet e dëshiruara, ndërkohë që në librin e llogarive të shtetit janë shtuar 174 mijë punonjës (krahasuar me vitin 2013), të siguruar e që paguajnë kontributet e tyre për shtetin sipas të ardhurave. Edhe numri i bizneseve që krijojnë punësim dhe vetëpunësim, është rritur ndjeshëm. Por duhet të vazhdojmë me vendosmëri përpjekjet e nisura sepse shumë më tepër mbetet për t’u bërë. #DrejtimiiDuhur #Rilindje”, shkruan Rama në Facebook.
d.i.
