Ministri i Brendshëm serb, Nebojsha Stefanoviq tha se në gjithë Serbinë, janë arrestuar 49 persona për korrupsion dhe shpërdorim të detyrës.
Të dyshuarit akuzohen për dëmtimin e buxhetit prej rreth 7,6 milionë euro.Gjithashtu ministri serb ka thënë për 25 zyrtarë policorë janë ngritur padi penale në procedurë të rregullt, shkruan RTS, transmeton Gazeta Express.
“Të gjithë këta persona që nga viti 2007, janë angazhuar më shumë në krime dhe dëmtime të buxhetit të Serbisë”, ka thënë Stefanoviq.
Ai tha se në mesin e të arrestuarve në disa qytete të Serbisë, janë edhe menaxherët e punësuar nga Ministria e Financave, Administrata Tatimore, ish –Ministria e Mbrojtjes dhe Mjedisit dhe Planifikimi Hapësinor.
Ndër të arrestuarit ishin edhe zyrtarët e qeverisë lokale, ndërmarrjet publike, punonjës të Postës së Serbisë, “Elektrokosmet”, si dhe 12 policë të trafikut, citohet GazetaExpress.
