Serbët po bëjnë festë pas deklaratave të presidentit të federatës armene se disa nga lojtarët e kombëtares e shitën ndeshjen kundër Shqipërisë.
Menjëherë gazetat serbe kanë nisur të shkruajnë se ka nisur hetimi dhe Shqipëria do të përjashtohet nga finalet e Euro 2016.
Kuqezinjtë u kualifikuan pasi fituan 3-0 në ndeshjen e fundit në Armeni, duke zënë vendin e dytë në grup.
Presidenti i federatës, Ruben Hayrapetyan, në një konferencë për shtyp tha se disa lojtarë armenë e kanë shitur ndeshjen me Shqipërinë dhe se shpejt do t’i gjejë se kush janë ata.
Dyshime për fitoren e Shqipërisë hodhi menjëherë më pas edhe një ish-trajneri i Danimarkës, Morten Olsen, por nga UEFA u bë e ditur se nuk ka vend për asnjë dyshim, rrjedhimisht as për hetime.
Ekzaltimi i serbëve është më tepër një praktikë e zakonshme e tabloidëve të saj, të cilët shohin gabim, faj e sidomos provokim në çdo gjë që bëjnë shqiptarët.
