Gazeta “Shqiptarja.com” zbulon kontratën e qërase të nënshkruar mes Abndreja Gjinaj dhe shtetasit E.D, kontratë e cila është lidhur në 8 qershor 2016.Gjinaj ka arritur të marrë me qëra një sipëfaqe prej 5 mijë metra katror tokë dhe se pagesa fjetore do jetë 50 mijë lek të vjetra.
Kjo sipërfaqe tokë dyshohet se është mbjellë me canabis nga shtetasi Gjinaj dhe pas korjes së bimës, ajo është futur në thasë plastike, dhe fshehur brenda një kontinjeri të vjetër dhe një tuneli ushtarak. Në kontratën e qërasë thuhet më konkretisht:”… Unë E.D, deklaroj se në fshatin Rreth Baz, Mat, administroj një sipërfaqe toke prej 5 mijë metra katrorë, tokë ARË. Me akt-marje toke në pronësi ka qënë emri i babait tim, të ndjerit…….Pas vdekjes së tij e kam administruar unë, por akoma nuk ka kryer procedurat ligjore të kalimit të pronësisë vetëm në emrin tim. Unë deklaroj që këtë sipërfaqe toke prej 5 mijë metra katrorë unë ia jap me qira z. Andreja Gjinaj, sipas kërkesës së tij dhe miratimit tim.
Kushtet e kontratës
Unë Andreja Gjinaj deklaroj nën përgjegjësinë time personale dhe ligjore me kërkesën tim, E.D me cilësinë e qiradhënësit më ka dhënë mua me qira 5 mijë metra katrorë tokë ARË që ndodhet në fshatin Rreth Baz. Ne kemi rrënë dakort në formën si vijon:”…
(Kushtet e kontratës)
Afati i kontratës të jetë i pacaktuar. Kurdo që qiradhënësi kërkon lirimin e tokës, qiramarësi është i detyruar tja lirojë atë. Qiraja të jetë vjetore në masën 5 mijë lekë, qira e cila do të likujdohet çdo fundviti kalendarik. Ne kemi rënë dakord që qiramarrësi ta shfrytëzojë vetëm si tokë arë, jo të bëjë punime, ndërtime apo ti ndryshojë destinacionin tokës.
Qiramarrësi merr përsipër të përgjigjet për këtë sipërfaqe toke për gjithë kohën e marrë me qira, të mos lejojë persona të tretë të shfrytëzojnë këtë sipërfaqe toke dh eta gëzojnë atë, pa lejen dhe miratimin me shkrim të qiradhënësit dhe ta dorëzojë atë qiradhënësit sikur e ka marrë.
Qiramarësi nuk ka të drejtë ta lëshojë këtë sipërfaqe toke me nënqira një personi tjetër.
Qiradhënësi nuk ka të drejtë që të prishë kontratën e qirasë për t’ia dhënë me qira një personi tjetër, me kushte të tjera.
Operacioni që zbuloi 2 tonë drogë
Në operacionin e koduar, “Kontenieri” në sajë të të cilit u sekuestruan 2 ton e 53 kg lëndë narkotike e papërpunuar. Ndëshkimi ka ardhur dhe për pronarin e tokës që e ka lëshuar me qera sipërfaqen që u shfrytëzua për kultivimin e lëndës nakorkotike. Policia ka shpallur në kërkim pronarin e ligjshëm të tokës, shtetasin E.D, 37 vjeç, i cili i ka lëshuar me qera tokën e tij shtetasit të arrestuar, Andreja Gjinaj, 33 vjeç, banues në fshatin Rrethë Baz, Mat.
Ky i fundit u arrestua për veprën penale “Prodhim dhe shitje të narkotikëve”. Sipas një njoftimi të policisë së Shtetit, strukturat e Komisariatit të Policisë Mat, bazuar në Planin e Veprimit të Drejtorisë Vendore të Policisë Dibër, “Mbi masat që duhen marrë për evidentimin dhe goditjen e fenomenit të sigurimit të farave për kultivimin e bimëve narkotike, në sera , tunele, dhe ambjente të tjera”,kanë organizuar grupe kontrolli për këtë qëllim.
Në kuadër të këtyre kontrolleve më datë 2 prill 2017, në vendin e quajtur “Shullani i Vilës”, në fshatin Rrethë Baz, Mat, policia gjatë kontrollit në një tunel dhe në një kontenier në tokën e marrë me qera nga shtetasit Andreja Gjinaj, janë gjetur dhe sekuestruar lëndë narkotike e pa përpunuar, degë, kërcell e gjethë të bimës narkotike, e futur nëpër thasë.
Nga kontrolli i ushtruar në tunel u gjetën dhe u sekuestruan 73 thasë, ndërsa në kontenier u gjetën 139 thasë të mbushur me lëndë narkotike të pa përpunuar. Gjithashtu po gjatë kontrollit të ushtruar, policia gjeti në brendësi të kontenierit edhe një armë zjarri “Kallashinkov”.
Në përfundim të veprimeve të para hetimore të kryera nga Specialistët për Narkotikët në Drejtorinë Vendore të Policisë Dibër, në bashkëpunim me Prokurorinë e Rrethit Mat, është bërë arrestimi në flagrancë i shtetasit i Andreja Gjinaj dhe shpallja në kërkim e pronarit të tokës, E.D.
Ndërkohë po vijojnë hetimet në bashkëpunim dhe me Prokurorinë e Rrethit Mat, për zbulimin dhe kapjen e autorëve të tjerë të implikuar në këtë vepër të paligjshme.
Lidhur me këtë rast materialet proceduriale i kaluan prokuorisë Mat, për veprat penale “Prodhimi dhe shitja e narkotikëve” si dhe “Prodhimi dhe mbajtja pa leje të armëve luftarake dhe municionit”.
/a.m.
