Kryeministri Edi Rama do të zhvillojë një vizitë në Hong-Kong, ku do të ketë disa takime si edhe do të marrë pjesë në një Forum Ekonomik mes Shqipërisë dhe Hong Kongut.
Zyra për shtyp e Kryeministrisë bën të ditur se, ditën e hënë Kryeministri Edi Rama do të zhvillojë takim me Kreun Ekzekutiv të Hong Kong-ut, z. Leung Chun-ying. Gjithashtu të hënën Kryeministri do të ketë një takim edhe me Komitetin e Energjisë së Kinës (‘China Energy Fund Committee’).
Ndërsa mësohet se ditën e martë, kreu i qeverisë shqiptare do të marrë pjesë në Forumin Ekonomik mes Shqipërisë dhe Hong Kongut (‘Hong-Kong and Albania Trade & Investment Forum’).
