Sekretari amerikan i Mbrojtjes, James Mattis mbërriti sot për një vizitë zyrtare në Shkup.
Z. Mattis u prit në aeroportin e Shkupit nga ministrja e Mbrojtjes, Radmila Sekerinska. Mattis pritet të zhvillojë një takim me kryeministrin Zoran Zaev, ku do të mbajnë edhe një konferencë të përbashkët shtypi.
Një javë përpara vizitës së tij në Shkup, Mattis tha se qëllimi i kësaj vizite ishte të ofrojë mbështetje për referendumin që vendi do të mbajë më 30 shtator, shkruan javanews
Mattis gjithashtu tha se ishte i shqetësuar për mundësinë që Moska të ndërhyjë në këtë proces.
Sipas Washington Post, përpara nisjes për në Shkup, Mattis u tha gazetarëve se “nuk ka dyshim se Moska po financon grupe pro-ruse në Maqedoni në mënyrë që referendumi mbi emrin të dështojë”
Javanews/a.ç
