Udhëheqësi serb i Bosnje Hercegovinës, Millorad Dodik ka reaguar për herë të parë pas shpalljes non-grata nga SHBA.
Sipas mediave vendase, ai e ka cilësuar si një sulm politik dhe se ata që janë pas këtij vendimi, e dinë shumë mirë këtë skenar.
Dodik theksoi se gjëja tjetër që i shkon ndërmend është se u ndëshkua sërish, pa e ditur arsyen.
“Fillimisht më thanë se po shkel të Dejtonin, pa deklaruar se çfarë e kam shkelur Marrëveshjen e Paqes të Dejtonit, tani siç dëgjoj jam akuzuar edhe për korrupsion dhe në Bosnje e Hercegovinë nuk po zhvillohet asnjë procedim penal për korrupsion apo kudo tjetër në botë”, thotë Dodik.
SHBA vendosi ditën e sotme sanksione të reja ndaj Dodik me motivacionin “për aktivitete korruptive dhe kërcënim ndaj stabilitetetit të Bosnjes”.
Lidhur me këtë ngjarje, ka reaguar dhe Ministrja e Jashtme Olta Xhaçka, e cila me anë të një postimi në rrjete sociale shkruan se Shqipëria mbështet fuqimisht integritetin territorial të Bosnjes dhe Hercegovinës. Panorama