Samsung ka ndërtuar një piano vetëm me tabletët e saj të fundit Galaxy. Pianoja është ndërtuar me 106 tabletë Samsung Galaxy Tab S2, dhe përmban një “tastierë” funksionale dhe teknologjinë e re wifi. Kompania e zbuloi këtë piano gjatë një koncerti të zhvilluar në Tregun Spitalfields në Londër, ku pianistja Myleene Klass luajti pjesë të ndryshme muzikore.
“Galaxy Tab S2 i Samsung-ut është projektuar për klientët që duan një tablet të hollë dhe të lehtë; ai është i duhuri për ta, pasi i ndihmon të eksplorojnë përmbajtje të reja kudo që ndodhen, madje edhe nëse janë në mes të Tregut Spitalfields,” tha Conor Pierce, zëvendës-presidenti i divizionit Samsung Electronics në Britani dhe Irlandë.
Me ekranet e jashtëzakonshme AMOLED, pianoja me tabletë nuk duket vetëm një ide interesante, por duket mirë edhe në pamje, me ekranet që shfaqin pamje fantastike për Krishtlindjet. Ashtu si pianoja, edhe Galaxy Tab S2 ofrohet në ngjyrë gold, kështu është dhurata ideale për t’ua dhënë për Krishtlindje familjarëve ose të dashurve tuaj,” shtoi ai.
