Pas lajmit se njëri prej xhihadistëve që sulmuan Parisin është në arratisje, më së fundmi është publikuar dhe identikiti i personit në fjalë. Mediat franceze raportojnë se terroristi që mundi t’i shpëtojë policisë është 26 vjeçari Salah Abdeslam, shtetas francez por që është rezident në Belgjikë.
Ai është shpallur në kërkim ndërkombëtar. Policia franceze u ka bërë thirrje qytetarëve që të raportojnë në rast se e shohin të dyshuarin. Abdeslam është i armatosur dhe dyshohet se ka me vete edhe jelekun me eksploziv dhe mund të jetë duke planifikuar një sulm tjetër.
