Terroristi që mori pjesë në sulmet e Parisit ku u vranë 130 persona, Salah Abdeslam është një “rrotë nga Molenbeek-u” dhe me “inteligjencën e një tavllë duhani”. Kështu e ka përkufizuar avokati i tij belg, Sven Mary.
26-vjeçari u ekstradua sot në Francë, ku është akuzuar për vrasje, bashkëpunim me grup terrorist dhe armëmbajtje dhe eksploziv pa leje. Mary dha sot një intervistë të gjatë për gazetën “Liberation”, duke përshkruar vështirësitë që kishte me klientin e tij të famshëm.
“Kishte momente kur doja të dorëzohesha. Nëse do ta dija për sulmet në Bruksel nuk do ta kisha marrë kurrë këtë çështje”, tha ai.
Avokati thotë se Salah është më shumë një ndjekës sesa lider duke folur për mungesën e inteligjencës tek i riu.
“Ai është shembulli perfekti i gjeneratës së lojës GTA. E pyeta nëse kishte lexuar Kuranin dhe ai mu përgjigje se e kishte parë në internet”, tha avokati. Mary shprehet se, ka folur me Abdeslam shtatë apo tetë herë dhe ende nuk është i sigurt se si ai ka përfunduar mes të radikalizuarve.Panorama
