Drejtuesi i emisionit investigativ “Stop” Saimir Kodra bëri një deklaratë të fortë kur tha se ka video ku kryetari i një gjykate kërkon favore seksuale për një vendim.
I ftuar në emisionin “Opinion”, Kodra tha se video mund të publikohet të martën në “Stop”.
“Kam video për kryetar gjykate që ka kërkuar favore seksuale për një vendim. Deri në gjykatën e lartë ka qenë ndërhyrja për ta zgjidhur çështjen”, tha Kodra.
Gazetari investigativ nuk dha më detaje për këtë deklaratë duke ja lënë të gjitha transmetimit të së martës.
Ndërkohë dje, emisioni “Stop” transmetoi video denoncimin ku shihej një oficer i policisë gjyqësore teksa merrte 18 mijë euro ryshfet për llogari të prokurorit Ardian Braho, i pezulluar nga detyra pas video-skandalit. Oficeri Fatos Lushi u dorëzua në policinë e Tiranës pasi historia e ryshfetit u bë publike në media. /a.m.
