Armando Sadiku ka hedhur poshtë të gjitha zërat e përhapur gjatë dy ditëve të fundit për një lidhje mes tij dhe vajzës së zëvendëstrajnerit të kombëtares, Paolo Tramezzani.
Ai shkruan në Facebook se gjithçka është e pavërtetë, ndërsa foton me vajzën e cilëson miqësore.
“Të dashur miq, do të doja që bukuria e fitores me Rumaninë, të mos zbehet dhe të keqinterpretohet nga një foto krejtësisht e pafajshme dhe miqësore, që ka qarkulluar nëpër media ditëve të fundit. Ju lutem mos aludoni për asgjë dhe mos shkruani gjëra të pavërteta për jetën time personale jashtë fushës së futbollit.
Dua të theksoj se arritjet e mia kanë vetëm një emërues të përbashkët : punë dhe sakrifica pa fund dhe besimin tek Zoti, nga ana ime dhe familjes time të shtrenjtë, që gjithmonë ka qenë mbështetja dhe frymëzimi im”, shkruan Sadiku.
d.i.
