Lideri opozitar rus, Alexei Navalny u burgos për 30 ditë të hënën me akuzën e protestave të jashtëligjshme. Ai pretendon se burgimi është inskenuar për të parandaluar protestat e mëtejshme, teksa qeveria pritet të marrë vendim për rritjen e moshës së daljes në pension.
Navalny, 42 vjeç, u arrestua të shtunën jashtë shtëpisë së tij në Moskë. Arrestimi i tij erdhi menjëherë pasi ai u kishte bërë thirrje rusëve që të dilnin në rrugë më 9 shtator për të protestuar kundër reformës që propozuar të pensioneve, nga 55 në 63 për gratë dhe nga 60 në 65 për burrat.
Presidenti aktual Vladimir Putin pa premtuar në vitin 2005, se kurrë nuk do të rriste moshën e pensionit shtetëror, dhe vlerësimi i mbështetjes për të ka rënë nga 77% në 63%, pasi planet e qeverisë janë shpallur në qershor, sipas VTsIOM, që ka organizuar sondazhin. Rreth 90% e votuesve janë kundër lëvizjes, sipas sondazheve të opinionit.
Planet për të reformuar sistemin e pensioneve kanë ngjallur zemërimin të gjerë, sepse jetëgjatësia në Rusi mbetet e ulët, në 66 vjeç për burrat dhe 73 për gratë. Kremlini, megjithatë, thotë se popullsia e plakur e Rusisë do të thotë se Putini nuk kishte alternativa përveç se të thyente premtimin e tij.
a.ç
