Kryetari i Kuvendit Gramoz Ruçi i ka bërë moral deputetit Kujtim Gjuzit pasi ky i fundit ka kërkuar fjalën në Kuvend. Ai është shprehur ndaj Gjuzit që të mos bëjë xhiro nëpër Tiranë e të pijë kafe por të jetë prezent në Kuvend.
“Për procedurë ka 4 gjëra, se e merr për procedurë dhe abuzon, nëse ke gjë për seancën e ditës, për votimin, për gjë tjetër s’ka fjalë. Asaj i ka kaluar radha, mos pi kafe, mos bëj xhirro, nëpër Tiranë por të vije këtu dhe të flasësh. Rri nëpër kafe, ska fjalë për ty…”, u shpreh Ruçi.
Në seancën e sotme kreu i Grupit Parlamentar të PS-së, Taulant Balla deklaroi se maxhoranca është tërhequr nga votimi i paketës anti-shpifje, pasi do të pritet edhe opinioni i Komisionit të Venecias. Por kundër shtyrjes së votimit ka qenë Rudina Hajdari e cila tha se opozita ka regjistuar emrin për të folur dhe shtyrja nuk ishte diskutuar paraprakisht me ta. Më tej vijuan debatet mes Edi Ramës dhe Rudina Hajdarit.
