Rruga prej 35 kilometra që lidh Ferizaj dhe Gjilanin mori sot emrin e “Beau Biden”, djalit të zëvendëspresidentit amerikan Joe Biden.
Në ceremoninë e organizuar me këtë rast ishin të pranishëm Zëvendëspresidenti i SHBA-së, Joe Biden, bashkëshortja e tij Jill Biden, fëmijët e djalit të tij Beau Biden, Presidenti i Kosovës, Hashim Thaçi, kryetari i Kuvendit Kadri Veseli, kryeministri i Isa Mustafa, ministra të kabinetit qeveritar, figura të jetës politike dhe ushtarake etj.
Në fjalën e tij Presidenti Thaçi u shpreh se në këtë vend falë punës suaj, familjes suaj dhe të ndjerit Beau jemi duke krijuar një vend të barabartë një vend të mundësive”
“Jam i sigurt bashkarisht do t’ia dalim”, tha Thaçi.
Ndërsa kryeministri Mustafa theksoi se “jam i nderuar që ju drejtohem nga kjo pjesë e rrugës “Beau Biden” e cila lidh dy qytete kryesore Gjilanin dhe Ferizajn. Kjo rrugë jam i bindur se do të forcojë lidhjet mes dy popujve dh evendeve tona. Djali juaj i dashur në këtë mënyrë bëhet i Kosovës, ku shërbeu me finsikëri për të vënë themelet e së drejtës”.
“Beau Biden e meriton të jetë ëngjëlli mbrojtes i kosovarëve për shkak të historisë dhe jetës së tij, për shkak të gatishmerise për tía lejuar sistemin e drejtësisë popullit të sunduar padrejtësisht në shekuj të tërë”, nënvizoi Mustafa.
Kreu i qeverisë kosovare tha se “siç bisdeuam edhe në Prishtinë, SHBA janë partneri strategjik i Kosovës dhe prandaj pagëzimi i kësaj rruge me ermin e Beau Biden ta shikoni si një përpjekje e kosovarëve për të respektuar angazhimin e qindra, mijera, miliona amerikanëve për clirimin e Kosoves dhe shtetndërtimin e saj”.
Zëvendëspresidenti Joe Biden në fjalën e tij shprehu falënderimet e tij dhe gjithë familjes Biden, për emërtimin e kësaj rruge me emrin e djalit të tij.
“Ky është një momenti i ëmbël, por edhe i hidhur, pasi po këtu në këtë vend isha me Beau para disa viteve”, u shpreh Biden.
Zv/presidenti amerikan theksoi se “ju do ta ndërtoni një Kosovë të begatë të lirë dhe të drejtë”. “”Unë besoj te populli i Kosovës”, shtoi ai.
Beau Biden është djali i ndjerë i zëvendëspresidentit të SHBA-ve, Joe Biden i cili ndërroi jetë me 6 janar të vitit 2015 nga sëmundja e kancerit.
Beau Biden, kishte punuar në Kosovë në vitin 1998-99 pas luftës, duke ndihmuar në trajnimin e prokurorëve dhe gjykatësve vendas për organizatën për siguri dhe bashkëpunim në Evropë (OSCE).
Beau Biden ishte edhe Prokuror i Përgjithshëm në Delaëare ndërsa për një kohë kishte shërbyer edhe me Forcat Amerikane në Irak.
