Ish-drejtoresha e Autoritetit Rrugor Shqiptar, Sonila Qato u thirr këtë të hënë në SPAK. Ajo qëndroi në ambientet e Prokurorisë së Posaçme rreth 2 orë. Pas daljes, në një prononcim për gazetarët, Qato tha se ishte pyetur në cilësinë e personit që ka dijeni.
Ish-drejtoresha e ARRSH është në hetim për “shpërdorim detyre” pas një kallëzimi nga një kompani ndërtimi për pabarazi në tendera. Sipas gazetares Glidona Daci, Qato kundërshton vendim e SPAK për të zgjatur afatet e hetimit të nisur për të.
Kontrolli i Lartë i Shtetit e kallëzoi për ndjekje penale për abuzim 5 milionë euro me tenderin e rrugës Kardhiq-Delvinë. Pas auditimit të tenderit, KLSH kërkoi hetim te thelluar penal ndaj zonjës Qato duke e akuzuar se ka skualifikuar pa të drejtë ofertën më të ulët, atë të paraqitur nga kompania e ndërtimit.
/a.r