Tetë kompani tregtare nga Provinca Zhejiang, Nimbo, që ndodhet në jug të Kinës, janë të vendosura në një pavion të veçantë si pjesë e panairit “Klik Ekspo Klik”, i cili çeli siparin mbrëmjen e së enjtes në Tiranë.
“Janë kryesisht kompani tregtare të cilat përfaqësojnë prodhime të firmave të ndryshme kineze”, shprehet për ATSH-në, Drejtorja e Përgjithshme e Organizimit të Panaireve të Kinës, Hu Ying.
Kompanitë tregtare operojnë kryesisht në fushën e tregtimit të pjesëve të këmbimit, pajisjeve ekektroshtëpiake, makineri pajisje dhe pajisje elektrike.
Është hera e tretë që marin pjesë në këtë panair. Ato vijnë nga Zhejiang, Nimbo zonë kjo ku çdo vit në muajin qershor kompani nga vendet e Evropës Qendrore dhe Lindore, përfshirë kompani shqiptare, marrin pjesë në panairin ndërkombëtar në kuadër të nismës së bashkëpunimit 16+1.
Kompanitë që marrin pjesë në panairin shqiptar kanë tërhequr konsumatorin shqiptar, pasi produktet e tyre janë të përshtatshme për tregun shqiptar si për cilësinë edhe për çmimet. Por theksoi Hu Ying, kanë shfaqur interes dhe do të jenë pjesëmarrëse në panairet e ardhshme edhe disa kompani që operojnë në fushën e makinerive dhe tekstileve.
E pyetur se si e shohin kompanitë kineze tregun shqiptar, Hu Ying shprehet se megjithëse Shqipëria është një treg i vogël shihet me interes nga kompanitë kineze për faktin se e shikojmë si një portë për të deportuar në tregjet e Europës Lindore, kryesisht në vendet e Ballkanit. Dhe Shqipëria si një vend që është në zhvillim të vazhdueshëm ka intres për kompanitë kineze.
Ajo shton se ka interes për importet shqiptare, kryesisht të mallrave tipike të zonës së mesdheut. “Nuk kemi plan konkret investimi në Shqipëri. Por kemi interes për të importuar produkte ushqimore nga Shqipëria, kryesisht verëra, mjalt, qumësht, vaj ulliri, produkte tipike të zonës së Mesdheut”, deklaroi Hu Ying.
Por, Kina e sheh atraktiv tregun shqiptar. Kjo lidhet edhe me faktin se dy kompani të mëdha kineze kanë investuar këtë vit në Shqipëri, konkrektisht blerja e koncesionit të Aeroportit Ndërkombëtar të Rinasit dhe po kështu koncesioni i naftës Bankers Petroleum është blerë po nga një kompani kineze.
Me hyrjen e këtyre kompanive të mëdha rriten shancet që të tërhiqen edhe investime të tjera qoftë edhe nga kompani private kineze. Qeveria kineze ka shprehur gadishmërinë për te mbështetur investimet kineze në Shqipëri, kjo përmes edhe dy programeve konrete bashkëpunimi si ai 16+1, apo nismës “Një brez, një rrugë”.
Aktualisht ka disa kompani kineze që operojnë në tregun shqiptar, kryesisht në fushën e minierave. Pjesa më e madhe e kromit shqiptar eksportohet në Kinë, rreth 90 %. Kina gjatë këtij viti është vendi me investimet më të mëdha në Shqipëri, për shkak të blerjes së dy koncesioneve, atë të Rinasit dhe Bankers, ndërsa rezulton në muajin shtator partneri i 3 tregtar i Shqipërisë. Në fund të muajit shtator drejt Kinës u ekportuan 4.2 miliard lekë dhe u importuan 37 miliard lekë mallra./a.m.
