Gjatë vitit 2016, Rusia dhe Italia janë dy nder vendet me volumin më të lartë të mallrave në portin e Durrësit, përkatësisht në importe dhe në eksporte. Nga portet e Rusisë kanë mbërritur në Durrës 249 mijë ton mallra importi, ndërsa drejt porteve të Italisë janë nisur 65 mijë ton mallra eksporti.
Megjithatë, Turqia mbetet në vendin e parë për volumin më të lartë të mallrave gjithsej të shkëmbyera me portin e Durrësit. Gjatë vitit 2016 me portet e Turqisë janë shkëmbyer 24 për qind e sasisë së përgjithshme të mallrave. Në vendin e dytë renditet Rusia me 22 për qind, ndërsa në vendin e tretë dhe të katërt ndodhen Italia dhe Gjermania me 10 dhe 9 për qind.
Gjatë vitit 2016, nga anijet dhe tragetet në portin e Durrësit u përpunuan afro 3.5 milione ton mallra të ndryshme. Përvec porteve të Evropës dhe Azisë, mallra të ndryshme kanë mbërritur edhe nga portet e kontinenteve te Amerikës dhe Afrikës. /a.m.
