Situata e alarmeve për sulme terroriste në Europë ka përfshirë ethshëm edhe Shqipërinë. Policia e Shteti ka marrë masa shtesë dhe ka nxjerrë edhe armët e rënda nga sirtarët, për t’ju kundërvënë sinjalizimeve të mundshme për ndonjë atentat në vendin tonë.
Për këtë arsye, presidenti Bujar Nishani ka zhvilluar një takim tjetër me kreun e Shërbimit Informativ Shtetëror, Visho Ajazi Lika. Ky i fundit është parë rreth mesditës të hyjë në presidencë.
Burime nga Presidenca, kanë bërë të ditur se Ajazi ka raportuar tek presidenti i Shqipërisë të dhënat dhe informacionet që SHISH disponon për kërcënime të mundshme që mund të jenë për vendin tonë.
Gjatë paradites së sotme, u bë e ditur se policia është njohur me informacione të reja për sulme dhe ka rritur nivelin e gatishmërisë, duke kaluar në atë më të lartën.
