Ditë pushimesh, por edhe me ankthin e mbytjeve.
4 persona kanë rrezikuar të mbyten ditën e sotme në Shëngjin. Mësohet se babai dhe tre fëmijët teksa kanë shkuar për t’u larë në det janë tërhequr nga dallgët.
Kjo gjë ka bërë që ata të mos kenë mundësi që të dalin në breg të detit me forcat e tyre. Pushuesit e tjerë kanë ardhur në ndihmë dhe i kanë shpëtuar.
Ndërkaq një moshuar ka rrezikuar të mbytet mbrëmjen e sotme në Vlorë.
Mësohet se i moshuari rreth 75 vjeç, është futur në ujë pranë plazhit të Lungomares dhe ka ndjerë dhimbje në zemër.
Kanë ndërhyrë pushuesit dhe e kanë nxjerrë në breg.
/a.r
