Nga Andrew Monaghan
Kur Vladimir Putin erdhi në pushtet, në një intervistë ku u pyet se cilit nga kolegët i besonte ai u përgjigj:
-Nikolai Patrushev
-Sergei Ivanov
-Dmitry Medvedev
-Alexei Kudrin
-Igor Sechin.
15 vjet më vonë, këta persona janë ende pjese e grupit të presidentit Putin dhe dominojnë lartësitë strategjike të qeverisë ruse dhe biznesit të madh rus.
Patrushev ishte drejtor i shërbimit të sigurimit të brendshëm nga viti 1999 e deri në emërimin e tij si Sekretar i Këshillit të sigurisë ruse në vitin 2008.
Ivanon ka qenë Ministër Mbrojtjeje dhe zv/kryeministër. Që nga viti 2011, ai ka qenë kreu i administratës presidenciale.
Medvedev ishte President nga viti 2008 deri në vitin 2012, duke qenë pjesë e pushtetit bashkë me Putinin dhe tani që është kryeministër.
Kudrin, Ministër i Financave deri në vitin 2011, nuk mbante një pozicion formal, por është ende pjesë e grupit për t’i ofruar këshilla presidentit për çështjet financiare e ekonomike.
Sechin, i cili ka mbajtur pozita të larta në administratën presidenciale dhe qeveritare është shefi ekzekutiv i Rosneft, kompanisë shtetërore të naftës.
Ky grup bërthamë ilustron dy pika të rëndësishme se kush e drejton Rusinë.
Së pari, ka pasur vazhdimësi në drejtim të personelit të afërt të Putinit. Riorganizimet reale kanë qenë të rralla, dhe shumë pak janë dëbuar nga ky grup kryesor.
Së dyti, zemra e ekipit të udhëheqjes përbëhet nga aleatët që shërbyen me Putinin në KGB, në vitin 1990 Shën Petersburg.
Nikolai Patrushev and Dmitry Medvedev, Sergei Ivanov, Alexei Krudin, Igor Sechin
Ky grup kryesor gjithashtu përfshin edhe të tjerët tek të cilët presidenti rus ka besim se zbatojnë projekte të mëdha të infrastrukturës, si për shembull Arkady Rotenberg, një nga përgjegjësit e Lojërave Olimpike Dimërore në Sochi, si dhe disa figura të tjera rajonale dhe burokratë të lartë.
Shumë prej këtyre figurave kanë pasur pozita të larta edhe pas ardhjes së Putin në pushtet.
Ministri i Mbrojtjes, Sergei Shoigu, ish-ministri i Situatave Emergjente, ishte një figurë politike e shquar në gjysmën e dytë të viteve 1990 dhe lider i partisë Rusia e Bashkuar nga viti 2001 deri në vitin 2005.
Figura të tilla mblidhen në Këshillin e Sigurimit, një nga organizatat më të rëndësishme për koordinimin e nivelit të lartë të vendimmarrjes dhe burimeve.
Në të njëjtën kohë, sistemi administrativ rus nuk funksionon mirë: instruksionet e politikave janë zbatuar shpesh me vonesë dhe ndonjëherë jo të gjitha, kështu që të tjerët kanë luajtur një rol të rëndësishëm duke ndihmuar në zhvillimin dhe zbatimin e projekteve.
Një individ i tillë është Yuri Trutnev, i zgjedhur guvernator rajonal në vitin 2000 dhe më pas është emëruar Ministër i Burimeve Natyrore dhe Ekologjisë në vitin 2004.
Në vitin 2013, ai u promovua si Zv/kryeministër, një post me prioritet të lartë për Putinin. Vëzhguesit rusë gjithashtu theksojnë rolin e luajtur nga Vyacheslav Volodin që ndihmoi Putinin në drejtimin e politikës ruse që nga viti 2011.
Volodin u rrit përmes politikave partiake rajonale dhe më pas kombëtare, përpara se të emërohej në poste qeveritare. Ai themeloi Frontin Popullor Rus në vitin 2011, që dha një kontribut të rëndësishëm në formulimin, zbatimin dhe monitorimin e politikave të udhëheqjes. Volodin më pas u emërua nënkryetar i administratës presidenciale, përgjegjës për politikat e brendshme ruse që nga viti 2012.
Ka disa yje në ngjitje që luajnë role të rëndësishme në partitë politike dhe administratë. Njëri prej tyre është 39-vjeçari Alexander Galushka, që është anëtar i Frontit Popullor dhe pjesë e komitetit këshillues të presidentit.
Ai u zgjodh Ministër i Lindjes së Largët në vitin 2013. Kjo na çon në një përfundim se kush e drejton Rusinë bashkë me Putinin, ndërkohë që Presidenti është figura qendrore. Ai është pjesë e një skuadre, ku secili ka rëndësinë e vet në zbatimin e detyrave.
Të gjithë individët kanë reputacion për punë të vështirë, besnikëri dhe efektivitet të dëshmuar në kryerjen e detyrave të vështira. Siç e shikoni Putin nuk i ka zgjedhur ata se kanë sy të bukur, por sepse zbatojnë detyrat./BBC/Tirana Observer
