Presidenti rus Vladimir Putin ka punuar si shofer taksie për të përballuar jetesën pas rënies së Bashkimit Sovjetik, për të cilin ai tha se shënoi fundin e “Rusisë historike”, sipas një dokumentari që do të transmetohet së shpejti në televizionin rus, shkruan The Guardian
Problemet ekonomike të shkaktuara nga kolapsi detyruan shumë rusë të kërkonin mënyra të reja për të fituar para. Fundi i Bashkimit Sovjetik solli një periudhë paqëndrueshmërie ekonomike që zhyti shumë njerëz në varfëri teksa Rusia kaloi nga komunizmi në kapitalizëm.
“Ndonjëherë më duhej të fitoja pak para shtesë,” tha Putin në dokumentar, duke shpjeguar se herë pas here punonte si shofer taksie.
Në atë kohë, taksitë ishin të rralla në Rusi dhe shumë individë ndihmonin të tjerët për të përballuar jetesën, madje disa kanë përdorur ambulancat si taksi.
Putini është i ndjeshëm ndaj zgjerimit të perceptuar të ambicieve ushtarake perëndimore në vendet ish-sovjetike dhe Rusia javën e kaluar kërkoi që NATO të anulonte zyrtarisht një vendim të vitit 2008 për të hapur derën e saj ndaj Gjeorgjisë dhe Ukrainës.
Fundi i Bashkimit solli me vete një periudhë të paqëndrueshmërisë intensive ekonomike që zhyti shumë në varfëri, ndërsa Rusia e sapo pavarur kaloi nga komunizmi në kapitalizëm.
Rusia ishte qendra e një Bashkimi Sovjetik që u rrit duke përfshirë 15 republika nga Balltiku deri në Azinë Qendrore.
Në vitin 1991, i shkatërruar nga problemet ekonomike, Bashkimi u shpërbë dhe Rusia u bë një komb i pavarur.
Rikujtojmë se Putin ka qenë një ish-agjent i shërbimit sovjetik të sigurimit, KGB. Sidoqoftë, në fillim të viteve 1990 ai punoi në zyrën e kryetarit të bashkisë së Shën Petersburg, Anatoli Sobchak. Ai dha dorëheqjen nga KGB pas grushtit të shtetit të gushtit në 1991 kundër presidentit sovjetik Mikhail Gorbachev që çoi në shpërbërjen e BRSS.
g.kosovari
