Një 20-vjeçar është arrestuar nga policia në Itali për një tentative vrasjeje. Mësohet se shqiptari ka tentuar të vrasë një 27-vjeçar, i cili gjithashtu është me origjinë nga Shqipëria.
Sherri mësohet se ka ndodhur në natën mes së shtunës dhe të dielës, përballë një klubi nate në Cesenatico.
Sherri ka ndodhur mes dy grupeve, ku i plagosur ka mbetur dhe 20-vjeçari që tashmë është dërguar në burg.
Sipas mediave vendase konflikti mes dy grupeve fillimisht ka nisur në diskotekë, e më pas ata janë konfliktuar edhe jashtë ku mësohet se janë përdorur dhe armët. Si shkak për këtë sherr mendohet të jetë një vajzë.
Lidhur me këtë ngjarje hetimet po vijojnë, por autoritetet kanë qenë të rezervuara për të dhënë informacione.
/a.r
