Sulmuesi Wayne Rooney do të rikthehet në përbërjen bazë të Anglisë dhe në rolin e kapitenit të premten mbrëma, për ndeshjen eliminatore për botërorin “Rusia 2018” kundër Skocisë, pasi që përvoja e tij në këtë përballje të tensionuar do të jetë kyç për skuadrën e re të Anglisë.
Kështu së paku vlerëson trajneri i përkohshëm i Anglisë, Gareth Southgate, përcjell Koha Ditore shkrimin e Reuters.
Rooney ishte lënë jashtë përbërjes startuese të Anglisë, pas barazimit pa gola kundër Sllovenisë muajin e kaluar dhe ai kryesisht ka qenë zëvendësues te Manchester Unitedi nën drejtimin e trajnerit Jose Mourinho.
“Po, ai do të jetë në skuadër”, është përgjigjur Southgate të enjten, i pyetur nëse Rooney do të jetë në përbërje si kapiten për përballje kundër Skocisë… (b.an)
