Një grua 46-vjeçare mbeti me hundë të dëmtuar pasi u godit nga topi i gjuajtur nga idhulli i saj Cristiano Ronaldo. Elena Di Martino është tifoze e Juventusit dhe mbrëmjen e kaluar ishte në stadium për të ndjekur ndeshjen mes ekipit të Torinos dhe Chievo-s.
Ajo ishte ulur pas portës në Allianz Stadium dhe u godit në fytyrë nga një top i gjuajtur nga Cristiano Ronaldo, duke dëmtuar hundën. Gjithsesi 46-vjeçarja ndihet mirë dhe ka një kërkesë për ish-fituesin e “Topit të Artë”.
“Të goditesh në fytyrë me një top nga Cristiano Ronaldo nuk i ndodh të gjithëve. Falemindeirt tifozëve të tjerë që ishin në stadium për suportin. Jam pak e tronditur. Cristiano është një idhull, por tani, pas kësaj goditje që mora, pres një ftesë për darkë,”- shkruan Elena në një status në rrjetet sociale.
a.cupaj
